Fritidskoordinator
Sogndal kommune ønskjer å forsterke arbeidet med inkludering av barn og unge i fritidsaktivitetar. Prosjektet «koordinering fritidsaktivitetar» har som mål å fjerne barrierar for deltaking gjennom effektiv koordinering og samarbeid mellom kommunale tenester og frivillige/private aktørar. Fritidskoordinator vil arbeide på systemnivå for å forhindre utanforskap og inkludere flest mogleg barn og unge i fritidsaktivitetar i kommunen.
Fritidskoordinatoren vil delta i fleire tverrfagleg team i kommunen.
Stillinga er ei 50% prosjektstilling i inntil 3 år.
Ansvars- og arbeidsoppgåver
Koordinere samarbeidet mellom kommunen og eksterne aktørar
Legge til rette for auka deltaking i fritidsaktivitetar
Organisere og vidareutvikle samarbeidsformer internt i kommunen og med andre aktørar
Utarbeide handlingsplanar og oversikter over fritidsaktivitetar
Sikre god informasjonsutveksling og fjerne barrierar for deltaking
Leggje til rette for medverknad frå barn og unge
Oppgåvene kan bli endra etter avtale.
Ønska kvalifikasjonar
Relevant 3-årig høgare utdanning
Erfaring med koordinering og prosjektleiing
Gode kommunikasjons- og samarbeidsevner
Evne til å jobbe systematisk og sjølvstendig
Kjennskap til fritidsaktivitetar og utfordringar knytt til deltaking
Personlege eigenskapar
Strukturert og målretta
Kan arbeide sjølvstendig og effektivt
Fleksibel og løysingsorientert
Evner å planleggje og styre din eigen arbeidsdag på ein produktiv måte
Det vert lagt stor vekt på personlege eigenskapar.
Me kan tilby deg:
Ein spennande jobb i eit godt arbeidsmiljø
Ein variert, utfordrande og hektisk arbeidskvardag med meiningsfulle oppgåver
Gode pensjons- og forsikringsordningar
Løn etter avtale
Fleksibel arbeidstid
Sogndal kommune satsar på ungdom!
No styrkjer me det førebyggande ungdomsarbeidet med fleire nye stillingar: utekontakt, ungdomsarbeidar, ungdomslos, fritidskoordinator og prosjektleiar for Rocket-Man.
Stillingane inngår i kommunen si samla satsing på oppvekst og vil samarbeide tett i ulike tverrfaglege team. Målet er å skape eit trygt og inkluderande oppvekstmiljø for alle barn og unge i Sogndal.
Du treng berre å sende inn éin søknad. Om du er interessert i fleire av stillingane, ber me deg opplyse om dette i søknaden. Alle søkarar vil kunne bli vurderte til fleire av stillingane, dersom kompetansen og erfaringa tilseier det.
Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.
Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
Del på:
Fylke:
- Vestland
Søknadsfrist:
04.06.2025
Tiltreding:
Etter avtale
Arbeidsstad:
Sogndal
Heimeside:
http://www.sogndal.kommune.noAdresse:
Dalavegen 2 6856 Sogndal