Sognasmed - politisk koordinator i Sognarådet

Vil du vere med å forme ein region som brenn for gode liv, skaparkraft og framtidas arbeidsplassar og lokalsamfunn? Då er Sognarådet interessert i høyre meir frå deg!

Sognarådet IPR jobbar for å fremje vekst og utvikling i Sogn, og består av ordførarane i kommunane Vik, Sogndal, Luster, Årdal, Lærdal og Aurland. No søker me ein person som kan bidra til å spele regionen god i møte med verda rundt oss, gjennom å skape arenaar for at dei folkevalde i regionen kan fremje Sogn sine interesser. Stillinga er nyoppretta og 100% fast med Sogndal kommune som hovudarbeidsgjevar.

I rolla som politisk koordinator vil du få høve til å jobbe tett på dei viktigaste sakene for innbyggjarane og næringslivet i Sogn, og kunne påverke utviklinga i ein region som veks og som trekk til seg unge, flinke og eventyrlystne folk frå heile landet.

Arbeidsoppgåver:

Rolla vil krevje stor evne til å forme eigen arbeidskvardag, og kan mellom anna innehalde:

Legge til rette for politisk arbeid i møte med regionale og nasjonale aktørar
Sette viktige saker på den regionale dagsorden
Knyte kontaktar med viktige utviklings- og myndigheitsaktørar, og skape møteplassar mellom Sogn og omverda
Sette dagsorden med viktige regionalpolitiske saker lokalt i kommunane i Sogn
Vere eit bindeledd mellom politikk, administrasjon og sivilsamfunnet

Kvalifikasjonar:

Me ser etter deg som:

Forstår Sogn, Vestland og den nasjonalpolitiske arenaen
Kjenner godt til samspelet mellom politikk, nærings- og samfunnsliv og offentleg forvaltning
Trivst med og har erfaring med å skape sin eigen arbeidskvardag
Evnar å skape kontaktar og kommunisere skriftleg og munnleg
Likar å vere i bevegelse, og trivst med å vere til stades der det skjer

Personlege eigenskapar:

Brenn for vekst og utvikling i Sogn

Samarbeider godt med andre
Er nysgjerrig på framtida og det som er mogeleg
Kan jobbe sjølvstendig og forme eigne oppgåver

Me tilbyr:

Stillinga vil inngå som ein del av den samla regionale satsinga i Sogn, som i tillegg til arbeidet med politisk leiing gjennom Sognarådet IPR inkluderer Sogn kommunalt oppgåvefellesskap (Sogn KO) og Sogn Interkommunale Friluftsråd
Høve til å utvikle deg fagleg som ein del av eit framtidsretta kollegium
Fleksible arbeidstidsordningar og lønn etter avtale
Gode offentlege pensjons- og forsikringsvilkår
Trening for tilsette

Dersom du har interesse for stillinga, er du velkomen til å ta kontakt med ordførar Roy Egil Stadheim i Vik kommune på tlf. 48891476, eller styreleiar Tor-Einar H.Skinlo i Sogn kommunalt oppgåvefellesskap på tlf. 95839029.

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt EasyCruit.

Attende til jobblista Skriv ut