Vaktmeister / driftsoperatør ved bustadkontoret

Bustadkontoret i Sogndal kommune skal drive bustadsosialt arbeid, handtera og følge opp eit stort tal bebuarar i kommunale bustader, omsorgsbustader og framleigde bustader tilpassa til flyktningar. I tillegg handsamar bustadkontoret husbanken sine verkemiddel og tilskot til tilpassing av bustader. Behovet for busetjing og oppfølging er stort. Kontoret har behov for å auke kapasiteten for teknisk assistanse.

Me har ledig 100% stilling som vaktmeister/driftsoperatør.

Dersom du har teknisk innsikt, er glad i å kommunisere og har engasjement for å hjelpe bebuarar å finne seg godt til rette i kommunen, kan denne jobben verte din. Du må kunne samspele og kommunisere med bebuarar med ulik bakgrunn, ulike utfordringar og i ulike livssituasjonar. 

Arbeidsoppgåver:

• Bistå med bustadsosialt arbeid saman med andre på kontoret.
• Teknisk assistanse, tilrettelegging av bustader, identifisere problem og finne løysingar.
• Gjennomføre mindre innkøp av materiale/utstyr.
• Hjelpe bebuarar å finne seg godt tilrette i kommunen og formidle eventuelle behov til/frå andre tenester.

Kvalifikasjonar

• Fagbrev som tømrar/røyrleggjar eller elektrikar er ein føremon. Anna relevant teknisk kompetanse kan vere aktuelt.
• Ønskjeleg med erfaring frå førefallande vedlikehald og reperasjonar i bustader eller liknande.
• God samhandlings- og relasjonskompetanse.
• Gode kommunikative evner.
• Gode norskferdigheiter, både skriftleg og munnleg.
• Førarkort for bil klasse B.

Personlege eigenskapar:

Me søkjer deg som er strukturert, er løysingsorientert og som kan skape resultat saman med andre. Du må vere serviceinnstilt, omgjengeleg og trivast i dialog med folk. Du bør vere effektiv, sjølvstendig og ha eigenskapar som sikrar god framdrift.  Du må kunne tileigne deg kunnskap, dele kunnskap og vere reflektert. Sarmarbeidsevener for å nå felles mål, kunne skape tillit og aksept er eigenskapar som vil vere viktig i stillinga.

Me kan tilby:

• Ein spanande jobb i eit godt arbeidsmiljø.
• Gode pensjons- og forsikringsordningar.
• Gode velferdsordningar.
• Lønn og tilsetjing etter avtale. 
• Fleksibel arbeidstid i hovudsak på dagtid. Ved prekære behov/hendingar er det ønskjeleg at ein er tilgjengele g også ut over normal arbeidstid.
• Trening for tilsette i Sogndal kommune.

Det er behov for noko reising med bil i heile kommunen og søkjar må ha førarkort. 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt  EasyCruit