Leirskulelærar ved Korall leirskule
Stillingar:
Pedagogisk leiar (81,7 % der 66,7 % er undervisning og 15 % administrasjon)
Lærar/instruktør (66,7 % undervisning)
Korall leirskule er eit moderne undervisnings- og opplevingssenter med hovudvekt på marinbiologi og naturopplevingar. Me søker engasjerte lærarar som vil vere med å gi elevar ei unik læringsoppleving i praktiske og utforskande omgjevnader ved fjorden. Leirskulen er driven av eige selskap, medan lærarane ved skulen er tilsett i Sogndal kommune.
Som lærar på leirskulen har du eit fleksibelt arbeidsår, der arbeidstida særleg er knytt til leirskulesesongen april-oktober.
Arbeidsoppgåver:
Planleggje og gjennomføre undervisning i samsvar med læreplanar og leirskulen sitt faglege opplegg.
Skape gode læringsarenaer ute og inne, med vekt på aktivitetar knytt til marinbiologi, friluftsliv og tverrfagleg læring.
Samarbeide med besøkande skular og leirskuleleiinga for å sikre høg kvalitet i undervisninga.
Bidra til vidareutvikling av undervisningsopplegg og aktivitetstilbod.
Som pedagogisk leiar har du administrativt ansvar for planlegging og oppfølging av undervisninga.
Kvalifikasjonar:
Godkjend lærarutdanning for grunnskulen, eller annan relevant pedagogisk utdanning.
Erfaring frå undervisning, gjerne innan naturfag, friluftsliv eller praktisk-estetiske fag.
Interesse for å gje opplæring utandørs og praktisk læring.
Gode samarbeidsevner og evne til å tilpasse undervisning til ulike elevar.
Evne til å ta initiativ og arbeide sjølvstendig.
Vi tilbyr:
Ein unik arbeidsplass i naturskjønne omgjevnader ved fjorden.
Moglegheit til å påverke og vidareutvikle leirskulen sitt tilbod.
Eit fagleg sterkt og engasjert arbeidsmiljø.
Løn etter gjeldande tariffavtale.
Vil du vere med å skape minneverdige læringsopplevingar for barn og unge? Då håpar me på din søknad!
Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.
Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
Søknadar må leverast innan fristen og må sendast inn via rekrutteringssystemet vårt EasyCruit.
Del på:
Fylke:
- Vestland
Jobbtype:
Fast
Heiltid/Deltid:
Deltid
Arbeidstid:
Dag
Søknadsfrist:
27.02.2025
Tiltreding:
01.04.2025
Arbeidsstad:
Balestrand
Kontaktpersonar:
Adresse:
Dalavegen 2 6856 Sogndal