Barnehagelærar
Bli med på leikelaget vårt i Sogndalsbarnehagen, som barnehagelærar og vidareutviklar av Fosshagen utdanningsbarnehage!
Er du ein engasjert og fagleg sterk barnehagelærar som brenn for å skape gode opplevingar for barn? No har du sjansen til å bli med på laget vårt i Fosshagen utdanningsbarnehage – ein innovativ og læringsorientert barnehage i hjartet av Sogndal!
Ein moderne barnehage midt i sentrum
Fosshagen utdanningsbarnehage ligg i eit nytt og spanande bygg med lyse, opne rom og flotte fasilitetar for både små og store. Me har fire småbarnsavdelingar i første etasje og tre storbarnsavdelingar i andre etasje – alle oppkalla etter kjente turmål i Sogndal.
Småbarnsavdelingane: Nuken, Laugi, Fagereggi og Stedjeåsen
Storbarnsavdelingane: Blåfjell, Togga og Tylderingen
I tillegg har me Hjarterommet – eit stort allrom for leik, fysisk aktivitet og felles samlingar. Her finst det også eit lite kjøkken, og rommet er ope for andre barnehagar i kommunen.
Barnehagen har eit utvida samarbeid med Høgskulen på Vestlandet, og er lærarutdanningsbarnehage i åra 2024-2028. Dette inneber eit tettare samarbeid med barnehagelærarutdanninga og aktuelle fagmiljø ved høgskulen. Målet er at samarbeidet både skal styrke utdanning, forsking og arbeidet i barnehagen.
Barnehagen har kring 32 tilsette med høg kompetanse og ein god miks av alder og erfaring.
No søkjer me nye barnehagelærerar!
- Inntil 200% vikariat som barnehagelærar, fordelt på to eller fleire ressursar
- Periode: 01.08.2025 – 31.07.2026
(Med forbehold om interne overflyttingar i kommunen.)
Kva vil du jobbe med?
- Sikre eit inspirerande, inkluderande og utviklande miljø for leik og læring
- Ha ansvar for planlegging, gjennomføring, dokumentasjon og evaluering av det pedagogiske arbeidet
- Bidra aktivt i det pedagogiske utviklingsarbeidet
- Fagleg leiing på avdelinga og bidra til god drift
- Styrke samarbeidet med føresette og kollegaer
- Rettleiing og tilrettelegging for fagarbeidarar, assistentar og lærlingar
Kven er du?
- Har godkjend barnehagelærarutdanning eller anna relevant høgskuleutdanning
- Gjerne vidareutdanning eller fordjuping i spesialpedagogikk og rettleiing
- Gjerne erfaring frå barnehage eller arbeid med barn
- Snakkar og skriv godt norsk
- Er leiken, engasjert og trivst med høgt tempo
- Har eit smil på lur og bidreg til godt arbeidsmiljø
Menn vert spesielt oppmoda om å søkje.
Kvifor velje Fosshagen?
- Ein barnehage i utvikling
- Rettleiing for nyutdanna barnehagelærarar
- Eit fagleg sterkt miljø med fokus på læring og utvikling
- Engasjerte og støttande kollegaer
- Leiarstøtte og opplæring i Sogndal kommune sine program og IT-verktøy
- Gode pensjons- og forsikringsordningar
Politiattest krevst for stillinga.
Det kan verte ledig fleire stillingar enn det som er utlyst i denne utlysinga. Då vil me ta kontakt med aktuelle søkjarar frå denne søknadsrunden. Utlysinga gjeld difor og eventuelt andre ledige barnehagelærarstillingar som kan koma til seinare i vår/sommar. Søkarar kan difor vere aktuelle / få tilbod om stilling som ikkje er annonsert gjennom hovudutlysinga.
Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.
Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
Søknadar må leverast innan fristen og må sendast inn via rekrutteringssystemet vårt EasyCruit.
Del på:
Fylke:
- Vestland
Søknadsfrist:
02.03.2025
Tiltreding:
01.08.2025
Arbeidsstad:
Sogndal
Kontaktpersonar:
tlf: 57652881
Adresse:
Trolladalen 6856 Sogndal