Barnehagelærarar

Bli med på leikelaget vårt i Sogndalsbarnehagen, og som barnehagelærar og vidareutviklar av Nybø barnehage!

Er du ein engasjert, leiken og omsorgsfull barnehagelærar som brenn for å skape gode opplevingar for barn? No har du sjansen til å bli ein del av det faglege og inkluderande miljøet i Nybø barnehage – ein barnehage med sjel, historie og ein unik beliggenheit ved Sognefjorden!

Ein barnehage med sjarm og fantastiske omgjevnadar!

Nybø barnehage ligg idyllisk til på Leikanger i Sogndal kommune. Barnehagen ligg berre 20 kilometer frå Sogndal sentrum, med gode bussamband. Med flotte, historiske bygg frå midten av 1800-talet – Fylkesmannsgarden og Sorenskrivargarden – byr barnehagen på ein varm og koseleg atmosfære. Her får barna vekse opp i solrike omgjevnadar med nærleik til fjord, skog, idrettshall og sentrum.

I dag har me 49 barn fordelt på tre avdelingar, to aldersblanda einingar og ei småbarnseining. Med eit dedikert team på 15 tilsette i ulik alder og eit sterkt fagleg miljø, er dette ein barnehage der både store og små trivst!

Me har ledige stillingar!

• Assisterande styrar/barnehagelærar (40% engasjement) – frå 01.08.2025 til 31.07.2026
• Barnehagelærar (100%) – frå 06.06.2025 til 31.07.2026 (spesialpedagogisk tiltak, føremon med spesialpedagogisk utdanning)
• Pedagogisk leiar/barnehagelærar (10% vikariat) – frå 01.08.2025 til 31.07.2026

Kva vil du jobbe med?

• Skape eit inkluderande, inspirerande og utviklande leike- og læringsmiljø
• Planlegge, gjennomføre og evaluere pedagogisk arbeid
• Vere ein fagleg pådrivar og bidra til gode prosessar i barnehagen
• Leie og vidareutvikle avdelinga i samarbeid med kollegaer
• Bygge gode relasjonar med barna og foreldra
• Rettleie og leggje til rette for assistentar, fagarbeidarar og lærlingar

Kven er du?

• Utdanna barnehagelærar (eller anna relevant høgskuleutdanning med barnehagefagleg og pedagogisk kompetanse)
• Vidareutdanning i spesialpedagogikk eller rettleiing er ein fordel
• Gjerne erfaring frå barnehage
• Beherskar norsk godt, både skriftleg og munnleg
• Er positiv, inkluderande og tek initiativ
• Skapar gode relasjonar med barn, føresette og kollegaer
• Trivst i eit aktivt miljø med høgt tempo

Menn vert spesielt oppmoda om å søkje!

Kvifor velje Nybø barnehage?

• Ein unik barnehage med historiske bygg og vakker natur rundt seg
• Eit fagleg sterkt miljø med engasjerte og dyktige kollegaer
• Rettleiing for nyutdanna barnehagelærarar
• Leiarstøtte og opplæring i Sogndal kommune sine program og IT-verktøy
• Gode pensjons- og forsikringsordningar

Politiattest krevst for stillinga.