Miljørettleiar og fagarbeidarar

Kvåle skule (6.–10. trinn) ligg sentralt ved Fosshaugane Campus og har om lag 400 elevar og 50 tilsette. Dette gjer skulen til ein av dei største skulene i Sogn. Som miljørettleiar hjå oss bidreg du til ein best mogleg skulekvardag for elevane, anten ved å følgje enkeltelevar tett eller støtte heile klassar. Du samarbeider jamleg med lærarar, føresette og andre fagpersonar for å skape eit godt opplæringstilbod. Er du ein som kan gjera ein forskjell for elevane våre, så er dette jobben for deg!

Arbeidsoppgåvene vil variere etter behov og blir utforma i tett dialog med kollegaer.
Som miljørettleiar eller fagarbeidar skal du mellom anna arbeide med:

• Eit trygt og godt læringsmiljø for elevane. 
• Eit godt samarbeid med lærarar på teamet, teamleiar, fagleiar for miljørettleiarane og anna personale.   
• God samhandling med PP- tenesta, BUP og andre samarbeidspartar   
• Delta i samarbeidsmøte knytt til elevane   
• Rettleiing og tilrettelegging av eit heilskapleg opplæringstilbod ut i frå elevane sitt behov.   
• Eit godt skule- heim samarbeid til eleven sitt beste   
• Sosial trening og eigenmeistring, og bidra til å etablere eit sosialt nettverk rundt elevane   
• Skulen sitt utviklingsarbeid. 
• Leksetid og sfo-arbeid må påreknast.   

Kvalifikasjonar

• Me ønskjer primært etter søkjarar med høgskuleutdanning som gjev tittelen miljørettleiar/miljøterapeut, men andre med relevant fagbakgrunn og/eller yrkeserfaring vert også vurdert for stillingane. 
• Me har ønskje om å ha personale med ulik bakgrunn og kompetanse som til ein kvar tid reflekterer elevgruppa og som har erfaring rundt elevtiltak knytt til sosiale vanskar, utfordrande åtferd og andre relevante problemstillingar.  
• Stillinga krev evne til utstrekt samarbeid med kontaktlærar, føresette og elevane. Personar med fagbrev i barne og ungdomsarbeidarfaget er også velkomne til å søka då det kan bli ledige stillingar som fagarbeidar i skule og SFO. 
• Politiattest er ein føresetnad for tilsetjing.  

Personlege eigenskapar
Me ser etter initiativrike personar med eit positivt elevsyn og gode relasjonsferdigheiter. Erfaring med sosial trening, elevtiltak og utfordrande åtferd er ein fordel.

Me tilbyr

• Ei spanande stilling i eit godt arbeidsmiljø
• Gode velferdsordningar
• Løn etter gjeldande avtaleverk

Søk på stillinga og bli med på å gjere ein forskjell for elevane våre!