Miljørettleiar i tiltak

Kvåle skule er ein 6–10-skule med nærmare 400 elevar og kring 50 tilsette, lokalisert ved Kvåle stadion nær Fosshaugane Campus. Skulen er med dette ein av dei største skulene i Sogn. 

Som miljørettleiar i tiltak jobbar du utanfor ordinært klasserom og følgjer einskildelevar i ein eigen base. Du samarbeider tett med kollegaer og føresette for å skape ein meiningsfull kvardag for elevane.
Om du tenkjer at du kan vera med å gjera ein forskjell for einskildelevar, så er dette jobben for deg.  

Ledige stillingar

• Inntil 3 x 50 % vikariat for skuleåret 25/26, med moglegheit for forlenging.
• Stillinga kan kombinerast med arbeid i avlastningstenesta for høgare stillingsprosent.
• Ønskjeleg oppstart: 28. juli.

Arbeidsgjevar tek atterhald om at fleire stillingar kan bli utlyste i perioden, som òg kan bli handsama med same søkjargruppe. 

Arbeidsoppgåver

Desse stillingane er knytt opp til eit einskildtiltak på skulen, og du vil arbeide i eit mindre team med rulleringsordning. Arbeidsoppgåvene vil variere etter behovet i tiltaket, og blir utarbeidd i tett dialog med foreldre, dei andre tilsette i teamet og med rettleiing frå eksterne. 
Du skal mellom anna:

• Skape meiningsfylte dagar for einskildelevar ved skulen. 
• Tilretteleggje for deltaking i daglege aktivitetar. 
• Handtere utfordrande åtferd på ein profesjonell og omsorgsfull måte. 
• Samarbeid med og utføre miljøterapeutiske tiltak saman med øvrig personale. 
• Rettleie og støtte eleven i sosiale ferdigheiter og ADL ferdigheiter.
  
• Utarbeide og følgje opp individuelle planar. 
• Bidra til eit godt skule og arbeidsmiljø.  
• Syte føre at det skjer god samhandling med PP- tenesta, andre samarbeidspartar og delta i samarbeidsmøte knytt til eleven.     
• Arbeide for eit godt skule- heim samarbeid til eleven sitt beste.   
• Gi eleven sosial trening og eigenmeistring. 

Kvalifikasjonar

• Me søkjer primært etter personar med høgskuleutdanning som gjev tittelen miljørettleiar/miljøterapeut, høvesvis vernepleiar eller anna helsepersonell, men høgskuleutdanning er ikkje eit krav. 
• Personar med fagbrev som helsefagarbeidar eller barne og ungdomsarbeidar er også velkomne til å søke. 
• Erfaring frå arbeid med psykisk utviklingshemming, autisme og utfordrande åtferd vil vere ein fordel. 
• Kompetanse innanfor spesialpedagogikk. 
• Me har ønskje om å ha personale med ulik bakgrunn og kompetanse som har erfaring rundt elevtiltak knytt til sosiale vanskar, utfordrande åtferd og andre relevante problemstillingar. 
• Politiattest er ein føresetnad for tilsetjing.  

Personlege eigenskapar

Me søkjer deg som tek initiativ, har eit heilskapleg og positivt elevsyn, er roleg i krevjande situasjonar og trivst med teamarbeid.

Me tilbyr

• Ein spennande jobb i eit godt arbeidsmiljø
• Gode velferdsordningar
• Løn etter gjeldande avtaleverk