Miljøterapeut/miljøarbeidar/assistent - Ambulant team bu- og miljøtenesta

Om stillinga:

Bu- og miljøtenesta i Sogndal kommune yt tenester til menneske med nedsett funksjonsevne. Tenestemottakarane er personar med funksjonsnedsetting som skuldast medfødde eller erverva tilstandar. Tenesta omfattar personleg assistanse, opplæring i dagleglivet, tilrettelagde bustadar, tilrettelagt arbeid og avlastning. Tenestene vert ytt i tenestemottakar sitt miljø både heim, jobb, fritid og avlastning i og utanfor institusjon.

Arbeidsgjevar tek atterhald om at det kan kome fleire faste stillingar/vikariat i utlysingsperiode som òg kan bli handsama med same søkjargruppe. 

100 % vikariat som assistent/miljøarbeidar/miljøterapeut

i ambulant team frå snarast til 27.04.26.

   Sentrale ansvarsområde: 

• Målretta miljøarbeid 
• Journalføring 
• Bistand til daglege gjeremål
• Ivareta tenestemottakar si sjølvstendigheit og utvikling 
• Motivere til aktivitet, trening og sosialisering 
• Bidra til god livskvalitet, gode relasjonar og eit godt arbeidsmiljø 
• Primærkontakt- og koordinatoroppgåver kan bli delegert frå leiar 
• Andre oppgåver ved behov 

   Kvalifikasjonskrav:

• Fordel med helse-sosial- eller pedagogiske fag frå høgskule og/eller universitetsnivå eller vidaregåande opplæring innan helse- og omsorgsfag
• Erfaring med frå arbeid med menneske med nedsett funksjonsevne kan kompensere for manglande formell kompetanse
• Førarkort klasse B 
• Personlege eigenskapar vert vektlagde
• Gode samarbeids- og kommunikasjonsevner
• Fordel med kjennskap til Gerica, Microsoft 365 og Visma flyt ressursstyring 
• Beherske norsk skriftleg og munnleg 

Stillinga er i turnus med arbeid kvar 4. helg.

Grunna samansetninga av personalgruppa og preferansar frå tenestemottakarane oppmodar me kvinner om å søkja. Det vil kunne verta mogleg med forlenging av vikariat.

Intervju og tilsetting vil verta gjort fortløpande.

 Bu- og miljøtenesta tilbyr:

• Ein spanande jobb i eit godt arbeidsmiljø.
• Gode pensjons- og forsikringsordningar
• Gode velferdsordningar
• Løn etter tariff

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort. 

Søknadar må leverast innan fristen og må sendast inn via rekrutteringssystemet vårt  EasyCruit.