Sogndal kommune Fysio-, ergoterapi og friskliv

Fysioterapeut

Er du fysioterapeut og ser etter nye utfordringar i eit fagleg sterkt og triveleg arbeidsmiljø?
Me har ledig 100 % vikariat frå 1. januar til 1. august 2026 ved tenesteeining for fysio-, ergoterapi og frisklivssentralen i Sogndal kommune.

Arbeidsoppgåver: 

  • I stillinga treng me nokon som er trygg på å leie gruppetimar, gjerne både i sal og basseng.  

  • Stillinga er også retta mot behandling og rehabilitering av vaksne og eldre personar på helsesenteret, heime og i institusjon.  

  • Helsesamtalar og andre oppgåver gjennom frisklivssentralen kan bli aktuelt.  

  • Arbeidsoppgåver kan bli endra ut ifrå endra behov i tenesta. 

Sentrale ansvarsområde: 

  • Leiing av gruppetimar 

  • Sjølvstendig arbeid med pasientar og frisklivsdeltakarar.  

  • Samarbeid med kollega og andre faggrupper 

Kvalifikasjonar: 

  • Offentleg godkjent fysioterapeut. 

  • Godkjend politiattest 

  • Du må vere trygg på å leie gruppetimar.  

  • Erfaring frå kommunehelsetenesta, førebyggjande arbeid og pasientbehandling er ønskjeleg. 

  • Førarkort klasse B er eit krav, å kunne nytta eigen bil er ein fordel 

  • Det vert lagt vekt på personlege eigenskapar ved tilsetting 

Personlege eigenskapar:  

  • Evne til sjølvstendig arbeid og tverrfagleg samarbeid

  • Motiverande og engasjerande

  • Påliteleg, lojal og med god rolleforståing

  • Fleksibel, løysings- og utviklingsorientert
  • Systematisk, strukturert og med god gjennomføringsevne

  • Gode sosiale og kommunikative eigenskapar

Me tilbyr: 

  • Ein spanande jobb i eit godt arbeidsmiljø. 

  • Gode pensjons- og forsikringsordningar 

  • Gode velferdsordningar 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.  

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.  

Søknadar må leverast innan fristen og må sendast inn via rekrutteringssystemet vårt  EasyCruit.  

Attende til jobblista Skriv ut

Del på:

Fylke:

  • Vestland

Søknadsfrist:

16.11.2025

Tiltreding:

01.01.2026

Arbeidsstad:

Sogndal/Leikanger

Kontaktpersonar:

Jorunn Aa Albretsen

mob: 99286127

Heimeside:

http://www.sogndal.kommune.no

Adresse:

Riverdalen 5 6863 Leikanger

Kart: