Fagarbeidar/assistent i Fosshagen utdanningsbarnehage

Bli med på leikelaget vårt i Sogndalsbarnehagen hos Fosshagen utdanningsbarnehage!

Er du leiken, engasjert og glad i å skape gode opplevingar for barn? No har du sjansen til å bli med på laget vårt i Fosshagen utdanningsbarnehage, ein innovativ og læringsorientert barnehage i hjartet av Sogndal.

Ein moderne barnehage midt i sentrum
Fosshagen utdanningsbarnehage ligg i eit nytt og spanande bygg med lyse, opne rom og flotte fasilitetar for både små og store. Me har fire småbarnsavdelingar i første etasje og tre storbarnsavdelingar i andre etasje, alle oppkalla etter kjente turmål i Sogndal.

Småbarnsavdelingane: Nuken, Laugi, Fagereggi og Stedjeåsen Storbarnsavdelingane: Blåfjell, Togga og Tylderingen.

I tillegg har me Hjarterommet, som er eit stort allrom for leik, fysisk aktivitet og felles samlingar. Her finst det også eit lite kjøkken, og rommet er ope for andre barnehagar i kommunen.

Barnehagen har eit utvida samarbeid med Høgskulen på Vestlandet, og er lærarutdanningsbarnehage i åra 2024-2028. Dette inneber eit tettare samarbeid med barnehagelærarutdanninga og aktuelle fagmiljø ved høgskulen. Målet er at samarbeidet både skal styrke utdanning, forsking og arbeidet i barnehagen. Barnehagen har 35 tilsette med høg kompetanse, og god miks i alder av tilsette.

No søkjer me nye medarbeidarar!

Me treng deg i ein 100% fast stilling som fagarbeidar/assistent. Stillinga vil ikkje vere knytt til noko fast avdeling men til heile barnehagen. Det vil sei at den som vert tilsett vil jobbe med barn, både på småbarnsavdeling (0-3 år), og på avdeling for større barn (3-5år.) Tilsetjing frå 01.02.2026 eller etter avtale.

Kva vil du jobbe med?

• Skape eit inspirerande, inkluderande og utviklande miljø for leik og læring for alle barna i barnehagen
• Ta initiativ, visa engasjement og gjennomføra planlagde aktivitetar på avdelinga.
• Vera ein aktiv deltakar i barna sin leik og læring både ute og inne.
• Skapa gode relasjonar til alle barna i barnehagen.
• Bidra aktivt i det pedagogiske arbeidet og utviklinga av barnehagen.
• Styrke samarbeidet med føresette og kollegaer
• Vere ein ressurs i den daglege drifta og barnehagekvardagen

 Kven er du?

• Fagbrev som barne- og ungdomsarbeidar.
• Anna relevant utdanning som sosialt arbeid, vernepleiar, barnevernspedagog, idrett, friluftsliv.
• Har gjerne erfaring frå barnehage eller arbeid med barn.
• Snakkar og skriv godt norsk. Nivå A2 på delprøven i skriftleg framstilling og nivå B1 på delprøvane i leseforståing.
• Er leiken, engasjert og trivst med høgt tempo.
• Interesse og erfaring med friluftsliv og fysisk aktivitet for barn.
• Har eit smil på lur og bidreg til godt arbeidsmiljø.

Menn vert spesielt oppmoda om å søkje.

Kvifor velje Fosshagen?

• Ein barnehage i utvikling.
• Engasjerte og dyktige kollegaer.
• Eit fagleg sterkt miljø med fokus på læring og utvikling.
• Leiarstøtte og opplæring i Sogndal kommune sine program og IT-verktøy.
• Gode pensjons- og forsikringsordningar.

Politiattest krevst for stillinga.

Det kan verte ledig fleire stillingar enn det som er utlyst i denne utlysinga. Då vil me ta kontakt med aktuelle søkjarar frå denne søknadsrunden. Utlysinga gjeld difor og eventuelt andre ledige barnehagelærarstillingar som kan koma til seinare i vår/sommar. Søkarar kan difor vere aktuelle / få tilbod om stilling som ikkje er annonsert gjennom hovudutlysinga.  

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt EasyCruit.