Sjukepleiar/vernepleiar, dagtid sommar 2026

Vil du bruke fagkompetansen din til å skape tryggleik, meistring og gode kvardagar for eldre i sommar?

Prestahagen omsorgsbustad søkjer ein engasjert sjukepleiar eller vernepleiar til dagtid sommaren 2026. Hos oss blir du del av eit varmt og fagleg sterkt miljø der tverrfagleg samarbeid, utvikling og kvalitet står i sentrum.

Om Prestahagen
Prestahagen er ein døgnbemanna omsorgsbustad med 32 einingar fordelt på fire avdelingar for personar med kognitiv svikt og alderspsykiatri. Vi gir heilskaplege og trygge tenester til personar med demens og heimebuande eldre med behov for døgnkontinuerleg oppfølging.

Bustaden ligg i tilknyting til helsesenteret i Sogndal, der heimetenesta, sjukeheimen, legekontor, fysio- og ergoterapitenesta og helsestasjonen er samla. Dette gir gode moglegheiter for tett samarbeid og fagleg utvikling på tvers av einingane.

Om stillinga
Vi tilbyr ei spennande stilling på dagtid for deg som ønskjer ein variert og fagleg utfordring i sommar. Som sjukepleiar/vernepleiar hos oss vil du ha ein sentral rolle i pasientoppfølging, samarbeid og fagutvikling i avdelinga.

Arbeidsperioden inkluderer to helgar. 

Arbeidsoppgåver

• Ansvar i avdeling dagleg
• Utføre sjukepleiefaglege oppgåver
• Delta aktivt i tverrfagleg samarbeid
• Dokumentere i journalsystemet
• Skape aktivitet og tryggleik som fremjar livskvalitet

Sentrale ansvarsområder

• Pasientflyt og koordinering
• Dokumentasjon og oppfølging i pasientjournalsystem
• Samarbeid med spesialisthelsetenesta og primærhelsetenesta
• Medikamenthandtering
• Tverrfagleg samarbeid, inkludert pårørandesamarbeid

Kvalifikasjonar

• Bachelor i sjukepleie eller vernepleie med norsk autorisasjon
• God skriftleg og munnleg framstillingsevne på norsk

Personlege eigenskapar

• Løysingsorientert og positiv
• Fagleg engasjert og trygg i eigen kompetanse
• Gode samarbeidsevner og tydeleg kommunikasjon
• Fleksibel, ansvarsfull og serviceinnstilt
• Interesse for eldreomsorg er ein styrke
• Personlege eigenskapar vil verte vektlagde

Spesielle vilkår for stillinga: Dei som vert tilsett må leggje fram tuberkulose/MRSA-skjema, evt. tuberkulinattest av ny dato, samt politiattest av ny dato.

Me tilbyr

• Ein variert og god arbeidsplass der god service er ein sjølvfølgje.
• Løn etter tariff jf. HTA.
• Tilrettelagt arbeidstid

Vi ønskjer eit arbeidsmiljø prega av mangfald, og at våre tilsette skal spegla folkesetnaden elles. Vi oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Vi legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort. 

Søknadar må leverast innan fristen og sendast inn via rekrutteringssystemet vårt  EasyCruit.