Sommarvikarar teknisk drift

Om stillingane:

Sogndal kommune søkjer sommarvikarar til Teknisk drift ved byggavdelinga og avdelinga for veg og grønt.

Du må like å jobbe ute, kunne jobbe sjølvstendig og i samarbeid med andre. Erfaring med liknande arbeid er ein fordel.

Byggavdelinga søkjer etter 2 stillingar med oppmøte Sogndal, 2 stillingar med oppmøte Leikanger og 1 stilling  med oppmøte Balestrand. Avdelinga for veg og grønt søkjer etter 3 stillingar som har oppmøte i Sogndal, 2 stillingar med oppmøte Leikanger og 1 stilling med oppmøte Balestrand.  

Arbeidsoppgåver:

• Klippe plen og grøntområde, luking og stell av blomsterbed og anna eventuelle arbeid utandørs eller inne som for eksempel målararbeid, ryddeoppdrag eller liknande.

Sentrale ansvarsområde:

• Plenslått på skular og barnehagar. Stell av grøntområde på badeplassar, kyrkjegardar og kommunale parkanlegg mm.

Kvalifikasjonar:

• Bør vere over 18 år (minimum 16 år)
• Sertifikat klasse B (E) er ynskjeleg
• Må kunne beherske norsk

Personlege eigenskapar:

• Påliteleg
• Punktleg
• Sjølvstendig
• Løysingsfokusert

Me tilbyr:

• Spennande og varierte arbeidsoppgåver
• Moglegheit til å påverke eigen arbeidsdag
• Arbeidsoppgåve som utgjer ein skilnad for kommunen sine innbyggjarar
• Lønn etter avtale

Det er ønskjeleg med ein  som kan jobbe frå april til ut august/ september på avdeling veg og grønt, og ein som kan jobbe frå midten av mai på bygg. Resten skal jobbe frå juni(skuleslutt) til august (skulestart). Det er ikkje ønskjeleg at ferievikarar skal avvikle ferie i arbeidsperioden, ei veke kan likevel vurderast. Opplys i søknaden når du kan jobbe, og om/når du eventuelt skal ha ferie.

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rettearbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt EasyCruit.