Sogndal kommune Heimetenesta avd Sogndal

Tenesteleiar for heimetenesta

 

Vil du vere med å forme framtidas heimetenester – og gjere ein reell forskjell i kvardagen til folk? 

Me har ledig eit eittårig vikariat som tenesteleiar for heimetenesta i Sogndal. Me ser etter ein tydeleg og inkluderande leiar som evnar å kombinere struktur og gjennomføring med varme og menneskeleg innsikt. 

Om stillinga 
Heimetenesta er ein sentral del av helse- og omsorgstilbodet i kommunen. Som tenesteleiar får du eit heilskapleg ansvar for drift, fag og utvikling. Du vil spele ei viktig rolle i arbeidet med å vidareutvikle tenestene i takt med nye behov og krav. 

Dine hovudoppgåver 

  • Fagleg og administrativ leiing av heimetenesta  

  • Personal- og økonomiansvar  

  • Sikre kvalitet i tråd med lovverk og vedtak  

  • Drive utviklings- og forbetringsarbeid, inkludert digitalisering  

  • Samarbeid internt og med eksterne aktørar  

Kvalifikasjonar 

  • Minimum treårig helse- eller sosialfagleg utdanning  

  • Gjerne leiarerfaring eller erfaring frå utviklingsarbeid  

  • God kjennskap til relevant lovverk  

  • Gode samarbeids- og kommunikasjonsevner  

Personlege eigenskapar 
Me ser etter deg som er: 

  • trygg, tydeleg og inkluderande  

  • strukturert og handlekraftig  

  • utviklingsorientert og løysingsfokusert  

  • god til å bygge relasjonar og skape tillit  

Kvifor jobbe hos oss? 

  • Ei meiningsfull leiarstilling med stor påverknad  

  • Eit sterkt fagmiljø og engasjerte kollegaer  

  • Gode moglegheiter for utvikling  

  • Fleksibel arbeidstid og gode ordningar  

  • Arbeidsplass midt i vakre Sogndal  

Personlege eigenskapar vil bli vektlagde. 

 

Mangfald og tilrettelegging 
Me ønskjer eit arbeidsmiljø prega av mangfald, og oppmodar alle kvalifiserte kandidatar til å søkje, uavhengig av alder, kjønn, funksjonsevne, nasjonal eller etnisk bakgrunn. Dersom du har behov for tilrettelegging i arbeidskvardagen, legg me til rette så langt det let seg gjere. 

Offentleg søkjarliste 
I følgje offentleglova § 25, 2. ledd kan opplysningar om søkjaren bli offentleggjorde, sjølv om du har oppmoda om ikkje å bli ført opp på offentleg søkjarliste. Dersom du har bedt om unntak frå offentleg søkjarliste, vil du alltid bli varsla før søkjarlista vert offentleggjord. 

 

Attende til jobblista Skriv ut

Del på:

Fylke:

  • Vestland

Jobbtype:

Vikariat

Heiltid/Deltid:

Heiltid

Arbeidstid:

Dag

Søknadsfrist:

31.05.2026

Tiltreding:

Etter avtale

Arbeidsstad:

Sogndal

Kontaktpersonar:

Marit Reppen

Stilling: Kommunalsjef

mob: 48024755

Heimeside:

http://www.sogndal.kommune.no

Adresse:

Plassen 2 6856 Sogndal

Kart: