Sogndal kommune Helse og omsorg

Vil du vere med å utvikle framtidas omsorgstenester i Sogn?

Tenesteleiar Leikanger sjukeheim/heimetenesta og Balestrand sjukeheim/heimetenesta

No har du sjansen til å leie to engasjerte og kompetente team og bidra til at eldre og brukarar får eit trygt, meiningsfullt og verdig tilbod i kvardagen. 

Om stillinga 
Som tenesteleiar får du overordna ansvar for drift, fag, økonomi og personale ved Leikanger sjukeheim/heimetenesta og Balestrand sjukeheim/heimetenesta. Du blir ein del av leiargruppa for helse og omsorg, og rapporterer til kommunalsjef.

Her får du moglegheit til å påverke utviklinga av tenestene, løfte fram gode idear frå medarbeidarane og vere ein viktig støttespelar for både tilsette og brukarar. 

Kven ser me etter? 
Me ser etter deg som: 

  • Har relevant helse- og/eller sosialfagleg utdanning på høgskule- eller universitetsnivå 

  • Har leiarutdanning og/eller erfaring med personalansvar og dokumenterte resultat 

  • Er trygg i dialog med ulike fagmiljø og samarbeidspartnarar 

  • Er strukturert, systematisk og har evne til å sjå heilskap og finne gode løysingar 

  • Har god kjennskap til og kunnskap om endrings- og omstillingsarbeid 

  • Er ein inspirerande og inkluderande leiar som får folk med deg 

Personlege eigenskapar vert vektlagt. 

Me ønskjer oss ein leiar som ser verdien av å jobbe i team, som er løysingsorientert og som motiverer andre til å utvikle seg.  

Dette får du hos oss:

  • Ein spanande og meiningsfull jobb 

  • Moglegheit til å påverke og utvikle tenestene 

  • Gode pensjons- og forsikringsordningar 

  • Velferdsordningar og lønn etter avtale 

Kvifor velje Sogn? 
Her får du kort veg til fjord, fjell og friluftsliv og eit arbeidsmiljø der me heiar på kvarandre. Sjekk ut sogn.no for fleire grunnar til å kome til Sogndal og Sogn.  

Mangfald og inkludering 
Me ønskjer eit arbeidsmiljø prega av mangfald, og oppmodar alle kvalifiserte til å søkje, uansett alder, funksjonsevne, kjønn eller bakgrunn. Me legg til rette for tilpassa arbeidsforhold ved behov.  

Praktisk informasjon 

  • Administrasjonsmålet i kommunen er nynorsk 

  • Alle tilsetjingar skjer med 6 månaders prøvetid 

  • Opplysningar om søkjar kan bli offentleggjort i tråd med offentleglova § 25, 2. ledd. Du vil bli varsla dersom du har bedt om unntak frå offentleg søkjarliste 

  • Søknad skal sendast via EasyCruit innan søknadsfristen 

Har du spørsmål? Ta gjerne kontakt om du er nysgjerrig og vil ha ein prat om stillinga og arbeidskvardagen. 

Attende til jobblista Skriv ut

Del på:

Fylke:

  • Vestland

Jobbtype:

Fast

Heiltid/Deltid:

Heiltid

Søknadsfrist:

01.01.2026

Arbeidsstad:

Leikanger/Balestrand

Kontaktpersonar:

Marit Reppen

mob: 48 02 47 55

Heimeside:

http://www.sogndal.kommune.no

Adresse:

Riverdalen 5 6863 Leikanger

Kart: