Inspektør byggetilsynet

• Har du interesse for bygg og anlegg?
• Tenkjer du det er betre å førebygge feil enn å reparere etterpå?
• Er du ein problemløysar?
• Er du nysgjerrig på korleis regleverk og praksis heng saman?
• Trivst du med å snakke med andre menneske?
• Er du ute etter unik og allsidig kompetanse?

Vi har ledig ei 100 % stilling som inspektør knytt til byggetilsynet, og søker derfor etter ein medarbeidar med byggteknisk, tilsyns- eller anna relevant kompetanse for å fylle denne stillinga. Du blir ein av to inspektørar som dekker byggetilsyn for seks ulike kommunar. Stillinga passar like godt for deg med fersk byggteknisk bakgrunn som treng å bygge opp eit breitt erfaringsgrunnlag, som for deg med lang erfaring og som ønskjer andre utfordringar enn dei du har i dag.

Sogn brann og redning IKS er eit interkommunalt selskap eigd av kommunane Vik, Sogndal og Luster. Vi har vårt hovudkontor i Sogndal. Hos oss jobbar det 14 heiltidstilsette og om lag 90 deltidstilsette fordelt på 6 brannstasjonar.

Førebyggande avdeling har ansvar for tilsyn etter plan- og bygningslova for eigarkommunane, og for kommunane Høyanger, Lærdal og Årdal etter eigen avtale. I tillegg har avdelinga ansvar for tilsyn med om lag 200 særskilte brannobjekt, og feiing/tilsyn med i overkant av 10 000 fyringsanlegg.

Du får hovudsakleg desse oppgåvene:

• Gjennomføre byggetilsyn etter plan- og bygningslova med forskrifter, i nært samarbeid med byggesaksavdelingane i kommunane.
• Årleg rapportering av tilsynsverksemda i samråd med kommunane.
• Delta i møter med eigarkommunane og kommunane vi har avtale med etter behov.

Kva treng du av kvalifikasjonar:

• Utdanning som ingeniør frå ingeniørhøgskole, anna relevant universitets eller høgskuleutdanning som arealplanlegging, arkitekt, jordskiftekandidat eller tilsvarande.
• Fagbrev/fagskule med lang relevant praksis og erfaring frå byggebransjen eller offentleg sakshandsaming vil kunne bli vurdert.
• Minimum førarkort kl. B.

Blir du tilsett utan å tilfredsstille kvalifikasjonskrava må du forplikte deg til å gjennomføre nødvendig opplæring etter tilsetting.

Vi legg særleg vekt på:

• Personleg eigna, engasjert og interessert.

Vi legg også vekt på:

• Relevant praksis.
• Gode kunnskapar og erfaring med bruk av IT- verktøy.
• Gode munnlege og skriftlege framstillingsevner. Vi nyttar nynorsk i sakshandsaminga.
• Evne til å arbeide både i team og sjølvstendig, strukturert og nøyaktig. 
• Fleksibilitet og evne til å skape gode relasjonar til både publikum og medarbeidarar.

Vi tilbyr:

Du kan vente deg meiningsfull, utfordrande og allsidig kvardag i et ope og engasjert miljø. Hos oss kan du opparbeide deg brei kunnskap og erfaring innan både det byggtekniske og branntekniske området. Vi kan tilby fleksibel arbeidstid, løn etter avtale/tariff samt det ypparste av norsk natur som arbeidsområde.

Informasjon om stillinga:

Nærare informasjon om stillinga får du hos leiar førebyggande avdeling Torill Anita Segtnan tlf. 47 67 29 72,  eller brann- og redningssjef Vidar Trettenes tlf. 90 03 72 56.